Tips Milih Cet Kangge Lukisan (basa Sunda)

Caritana simkuring nuju hoyong ngahias rorompok ku lukisan sangkan kekinian. Da basa SMA ge (pliss atuh neng  eta zaman sapuluh tahun katukang) lukisan simkuring tembus kana pameran lukisan tingkat sakola. 😎😎😎
Nya weh simkuring mulai ngaborong kanvas. Ngincig ka toko buku sihoreng kanvas ukuran 30x40 hargana dugi 46rewu. Aduh mangkaning bade ngadamel lukisana ngangge 4 kanvas duih. Nya kantenan 46 rewu kali 4 janten 184 rewu eun. Can mser cet na, koasna.. Leuheung mun lukisana gaya, lamun ramijud? Atuhnya heneg sareng rugi bandar ... 😫😫😫
Untungna zaman tos canggih. Ngorehan dina toko online Alhamdulillah kenging nu saharga lima belas rewuan sakanvas. Horeee...
Emang sih harga moal ngabohongan kualitas. Tapi lumayan lah.. Daripada lumanyun..
Tos kapeser kanvas.. Tinggal mser cet na sareng koas. Ka toko buku mendak cet air kieu (gambar b). Cet murah meriah .. Jadi mun engke lukisana ramijud teu heneg teuing.
Alat alat ngalukis parantos siap.. Tinggal ngemut2 cara ngagores cet anu heded. Tos sapalih kanvas kagarap.. Cet na tereh kacida seep. Meser deui cet lukis. Seep deui.. Pas bde meser cet lukis katilu..
Gening titingalian teh asa teu merenah. Gening lukisan teh warna na kuleuheu kacida? Keur teh gradasi warnana acak2an ditambih ku kuleuheu. 😮😵
Intina mah teu sesuai ekspektasi kacida. Ekspektasina kan warna lukisana goncreng plus eceuy.. Matak nyolok panon batur nu ningalina saking ku eceuy tah warna lukisan. Tapi ieu?
Daripada ieu kanvas jeung lukisan jadi suluh hawu.. Mending milari akal piken ngakalan ieu lukisan supaya metamorfosis jadi heded..
Nya Tataros ka rrencangan nu sok ngalukis .. Cenah cet nu ku abi dpeser mah memang kitu warnana .. Kurang nendang ! Lewih diprioritaskeun piken nu kakara diajar pisan.. Salian ti murah _10 rewuan cuuu_ ukurana ge mani arimut kacida. Pantesan w tereh seep...
Mun hoyong euceuy ngalukis mah kedah ngangge cet akrilik (ngorehan dina toko online hargana 35 rewuan. Waduh mahal kacida gening). Mun t cekap sakotak kudu meser deui cet na panginten erep 70 rewu. Kieu caritana mah atuh mahalan cet sareng kanvas na ge...
Ehh... Rrencangan masihan deui info yen manehna (duta kaligrafi taun titik titik) sok ngangge cet merk mari*s cenah. Hargana? 65 rewuan.
Aduh maningg... Kumaha ieu nasib lukisan simkuring? Bolaykeun ae angan gaduh lukisan keceh di ruang tamu teh?
Kanggo sababaraha minggon.. Simkuring mogok ngalukis da seep cet nu diperyogikeuna.
Namung panginten Allah ngersakeun simkuring kedah ngalukis deui. Nganter rerencangan guru meser puzzle kanggo putrana ka toko buku, panangan tungtungna gatel nyandak cet akrilik ka payunen kasir. 39rebuan. Lumayan mahal emh. Tapi keun bae lah... Asal mah lukisan abdi janten tur sae.

Dicobian ngalabur cet kana kanvas. Rada deg degan oge.. Soalna cet akrilik mah lewih tereh kana garingna.. Ehhh... Nembe ge sagoresan ieu cet numpang kacida hededna dibandingken warna cet air. Sumanget simkuring langsung nanjak.
Tiap aya waktos nu luang langsung ngoprek cet. Dugi janari tabuh satengah satu ge tetep we ngoprek koas. Hasilna?
Alhamdulillah ayena mah aya bentukan.. Meskipun ramijud keneh.. Tapi sahentena we ramijud ge katulungan ku warnana nu euceuy.. Hehehe
Saatos ngalor ngidul kamana daekk... Ieuuuu...
Tips na milih cet kanggo ngalukis nyaeta ngangge...
1. Cet air (a)
 Lamun diajar keneh. Soalna cet air mah tos garing dina kanvas ge masih tiasa dikumbah deui ku cai lamun gagal jeung emblog emblogan teh. Ngan aya ku rajin we ngumbah kanvas nu pinuh ku cet mah.
Warnana kurang euceuy..
Hargana murah tapi meriah
2. Cet akrilik (b)
Lamun hoyong warna na ngejreng. Ngan babari garing. Jadi mun ngalukisna taliti kacida ... Saperti bade ngadamel titik ge dugi ka sapuluh menit, mending ngecrotkeun cet na kana palet kedah sakedik sakedik. Nyaah atuh amun seer cet garing mubah dina palet mah.
Hargana murah dan sangat meriah..

Gening ayena mah cet akrilik disebut murah? Ari tadi harga 38 rewu teh disebut mahal. Soalna sabanding kacida sih sareng hrgana. Sakotak cet eusi 12 ml teh cekap kacida kangge ngalukis 4 kanvas. Kan ruar biasa hematna... Hehehehe..

Terus hasil lukisana? Sanajan teu sae sae amat.. Tapi ayena mah lumayan pede we majangna di ruang tamu. Hehehehhee